1ܒܵܬَܪ ܐܲܢܹܐ ܦܠܸܛܠܹܗ ܦܵܘܠܘܿܣ ܡ̣ܢ ܐܵܬܹܢܘܿܣ؛ ܘܐَܬܹܐܠܹܗ ܠܩܘܿܪܲܢܬܘܿܣ. 2ܘܡܘܼܫَܟ̰ܸܚܠܹܗ ܬܵܡܵܐ ܚܲܕَ ܐَܢܵܫܵܐ ܝܗَܘܼܕܵܝܵܐ ܕܫܸܡܹܗ ܐܵܩܸܠܘܿܣ؛ ܕܝܼܗَܘܵܐ ܡ̣ܢ ܦܘܼܢܛܘܿܣ ܒܡܸܠܲܬ؛ ܕܬܵܙܵܐ ܐܬܝܼܵܐ ܗَܘܵܐ ܡ̣ܢ ܐܝܼܛܵܠܝܼܵܐ؛ ܗ̇ܘ ܘܦܪܝܼܣܩܸܠܵܐ ܒܲܟ̣ܬܹܗ؛ ܣܵܒܵܒ ܕܩܠܵܘܕܝܼܘܿܣ ܦܩܝܼܕܵܐ ܗَܘܵܐ ܕܦܵܠܛܝܼ ܟܠܵܝܗܝ ܝܗَܘܼܕܵܝܹ̈ܐ ܡ̣ܢ ܪܗَܘܿܡܹܐ. 3ܘܐَܬܹܐܠܹܗ ܠܟܸܣܠܵܝܗܝ. ܘܣܵܒܵܒ ܕܨܲܢܥܲܬܵܝܗܝ ܚܕܵܐ ܝܼܗَܘܵܐ؛ ܫܪܹܐܠܹܗ ܠܟܸܣܠܵܝܗܝ؛ ܘܦܵܠܸܚ ܗَܘܵܐ ܥܲܡܵܝܗܝ؛ ܣܵܒܵܒ ܕܒܨܲܢܥܲܬܵܝܗܝ ܚܵܝܛܵܢܹ̈ܐ ܕܟ̰ܲܕܪܹ̈ܐ ܗَܘܵܘ. 4ܘܕܵܪܸܫ ܗَܘܵܐ ܓܵܘ ܟܢܘܼܫܬܵܐ ܒܟܠ ܫܲܒܬܵܐ؛ ܘܡܲܗܡܸܢ ܗَܘܵܐ ܠܝܗَܘܼܕܵܝܹ̈ܐ ܘܠܝܵܘܢܵܝܹ̈ܐ. 5ܘܟܲܕ ܨܠܹܠܘܿܢ ܫܝܼܠܵܐ ܘܛܝܼܡܵܬܹܐܘܿܣ ܡ̣ܢ ܡܵܩܹܕܘܿܢܝܼܵܐ؛ ܡܘܼܠܝܸܨܵܐ ܗَܘܵܐ ܦܵܘܠܘܿܣ ܒܝܲܕ ܗܹܡܸܙܡܵܢ؛ ܟܲܕ ܣܵܗܸܕ ܗَܘܵܐ ܠܝܗَܘܼܕܵܝܹ̈ܐ؛ ܕܝܼܫܘܿܥ ܝܼܠܹܗ ܡܫܝܼܚܵܐ. 6ܘܟܲܕ ܟܸܠܝܹܐ ܗَܘܵܘ ܕܲܪܩܘܼܒ̣ܠ ܘܓܵܕܦܝܼ ܗَܘܵܘ؛ ܢܦܸܨܠܹܗ ܓ̰ܘܼܠܘܼ̈ܗܝ؛ ܘܐَܡܝܼܪܹܗ ܐܸܠܵܝܗܝ؛ ܕܸܡܵܘܟ̣ܘܿܢ ܒܪܹܫܵܘܟ̣ܘܿܢ؛ ܐܵܢܵܐ ܕܸܟ̣ܝܵܐ ܝܘܸܢ؛ ܡܐܵܕܝܼܵܐ ܒܹܐܙܵܠܵܐ ܝܘܸܢ ܠܟܸܣ ܛܵܝܸܦܹ̈ܐ. 7ܘܦܠܸܛܠܹܗ ܡ̣ܢ ܬܵܡܵܐ ܘܥܒܼܸܪܹܗ ܠܒܲܝܬܹܗ ܕܚܲܕَ ܐَܢܵܫܵܐ ܕܫܸܡܹܗ ܛܸܛܘܿܣ ܡ̣ܢ ܝܘܼܣܛܘܿܣ؛ ܙܵܕܥܝܵܢܵܐ ܡ̣ܢ ܐܲܠܵܗܵܐ؛ ܘܒܲܝܬܹܗ ܩܕܝܼܚܵܐ ܗَܘܵܐ ܠܟܢܘܼܫܬܵܐ. 8ܘܩܪܝܼܣܦܘܿܣ؛ ܓܘܼܪܵܐ ܕܟܢܘܼܫܬܵܐ؛ ܗܘܼܡܸܢܹܐ ܒܡܵܪܲܢ؛ ܗ̇ܘ ܘܟܠܹܗ ܒܲܝܬܹܗ. ܘܪܵܒܵܐ ܩܘܿܪܲܢܬܵܝܹܐ ܟܲܕ ܫܡܸܥܠܗَܘܿܢ ܗܘܼܡܸܢܘܿܢ ܘܥܡܸܕܠܘܿܢ. 9ܘܐَܡܝܼܪܹܗ ܡܵܪܝܵܐ ܒܚܸܙܘܵܐ ܒܠܲܝܠܹܐ ܠܦܵܘܠܘܿܣ؛ ܠܵܐ ܙܵܕܸܥܬ؛ ܐܸܠܵܐ ܗܲܡܙܸܡ؛ ܘܠܵܐ ܫܵܬܩܸܬ. 10ܣܵܒܵܒ ܐܵܢܵܐ ܥܲܡܘܼܟ ܝܼܘܸܢ؛ ܘܐَܢܵܫܵܐ ܠܹܐ ܩܵܝܸܡ ܠܕܲܪܩܘܼܒ̣ܠܘܼܟܼ ܠܚܲܙܕܘܼܓܘܼܟ؛ ܣܵܒܵܒ ܪܵܒܵܐ ܛܵܝܸܦܵܐ ܐܝܼܬ ܠܝܼ ܒܐܵܗܵܐ ܡܕܝܼܢَܬܵܐ. 11ܘܝܬܸܒ̣ܠܹܗ ܚܕܵܐ ܫܹܢَܬܵܐ ܘܐܸܫܬܵܐ ܝܲܪ̈ܚܹܐ ܟܲܕ ܡܵܠܘܿܦܹܐ ܓܵܘܵܝܗܝ ܗܹܡܸܙܡܵܢ ܕܐܲܠܵܗܵܐ. 12ܘܟܲܕ ܓܵܐܠܝܼܘܿܢ ܘܲܙܝܼܪ ܕܐܵܟ̣ܵܐܝܼܵܐ ܗَܘܵܐ؛ ܓ̰ܡܝܼܥܠܗَܘܿܢ ܡܸܚܕܵܕܹ̈ܐ ܝܗَܘܼܕܵܝܹ̈ܐ ܥܲܠ ܦܵܘܠܘܿܣ؛ ܘܡܘܼܬَܝܹܠܘܿܢ ܐܸܠܹܗ ܩܵܕَܡ ܟܘܼܪܣܝܵܐ ܕܕܝܼܘܵܢ. 13ܟܲܕ ܒܹܐܡܵܪܵܐ؛ ܕܐܵܗܵܐ ܠܒܲܕܲܪ ܡ̣ܢ ܢܵܡܘܿܣܵܐ ܚܵܒ̇ܘܿܛܹܐ ܝܠܹܗ ܠܐَܢܵܫܹ̈ܐ ܕܗܵܘܝܼ ܒܸܣܓ̣ܵܕܵܐ ܠܐܲܠܵܗܵܐ. 14ܘܟܲܕ ܒܲܥܝܹܐ ܗَܘܵܐ ܦܵܘܠܘܿܣ ܕܦܵܬܸܚ ܦܘܼܡܹܗ؛ ܐَܡܝܼܪܹܗ ܓܵܐܠܝܼܘܿܢ ܠܝܗَܘܼܕܵܝܹ̈ܐ؛ ܐܸܢ ܡܸܢܕܝܼ ܒܝܼܫܵܐ ܗَܘܵܐ؛ ܝܲܢ ܦܠܝܼܡܵܐ؛ ܝܲܢ ܣܸܪܝܵܐ؛ ܝܵܐ ܝܗَܘܼܕܵܝܹ̈ܐ؛ ܐܲܝܟܼ ܘܵܓ̰ܸܒܘܼܬܵܐ ܒܸܬ ܩܵܒ̇ܠܸܢ ܗَܘܵܐ ܠܵܘܟ̣ܘܿܢ. 15ܐܝܼܢܵܐ ܐܸܢ ܕܪ̈ܵܫܝܵܬܹܐ ܝܢܵܐ ܥܲܠ ܗܹܡܸܙܡܵܢ ܘܥܲܠ ܫܸܡܵܢܹ̈ܐ؛ ܘܥܲܠ ܢܵܡܘܿܣܵܐ ܕܝܼܵܘܟ̣ܘܿܢ؛ ܐܲܚܬܘܿܢ ܚܙܹܐܡܘܿܢ ܒܓܵܢܵܘܟ̣ܘܿܢ؛ ܣܵܒܵܒ ܐܵܢܵܐ ܠܹܐ ܒܵܣܡܵܐ ܠܝܼ ܕܗܵܘܸܢ ܕܲܝܵܢܵܐ ܕܐܲܢܹܐ ܩܸܨܲܬܹ̈ܐ. 16ܘܛܪܝܼܕܵܝܠܹܗ ܡ̣ܢ ܟܘܼܪܣܝܹܗ ܕܕܝܼܘܵܢ. 17ܘܕܒܸܩܠܘܿܢ ܟܠܵܝܗܝ ܠܣܘܼܣܬܹܢܝܼܣ ܚܘܵܪܕܸܩܢܵܐ ܕܟܢܘܼܫܬܵܐ؛ ܘܡܚܹܠܘܿܢ ܐܸܠܹܗ ܩܵܕَܡ ܟܘܼܪܣܝܵܐ ܕܕܝܼܘܵܢ. ܘܓܵܐܠܝܼܘܿܢ ܠܚܲܕَ ܡܐܲܢܹܐ ܠܵܐ ܡܘܼܣܸܡܠܹܗ ܒܵܠܵܐ. 18ܘܟܲܕ ܦܸܫܠܹܗ ܦܵܘܠܘܿܣ ܬܵܡܵܐ ܪܵܒܵܐ ܝܵܘܡܵܢܹ̈ܐ؛ ܝܘܼܗَܒܼܸܠܹܗ ܫܠܵܡܵܐ ܠܐܵܚܘܿܢܘܵܬܹ̈ܐ؛ ܘܪܚܸܫܠܹܗ ܒܝܵܡܵܐ ܠܣܘܼܪܝܼܵܐ؛ ܘܥܲܡܹܗ ܦܪܝܼܣܩܸܠܵܐ ܘܐܵܩܸܠܘܿܣ؛ ܟܲܕ ܡܘܼܓܪܸܥܠܹܗ ܪܹܫܹܗ ܒܩܵܢܟܪܹܐܘܿܣ؛ ܣܵܒܵܒ ܢܸܕܪܵܐ ܢܕܝܼܪܵܐ ܗَܘܵܐ. 19ܘܡܛܹܐܠܘܿܢ ܠܐܵܦܸܣܘܿܣ؛ ܘܫܒ̣ܝܼܩܵܝܠܹܗ ܬܵܡܵܐ؛ ܘܥܒܼܸܪܹܗ ܗ̇ܘ ܓܵܘ ܟܢܘܼܫܬܵܐ؛ ܘܕܵܪܸܫ ܗَܘܵܐ ܥܲܡ ܝܗَܘܼܕܵܝܹ̈ܐ. 20ܘܟܲܕ ܒܲܥܝܝܼ ܗَܘܵܘ ܡܸܢܹܗ ܕܥܲܪܩܸܠ ܠܟܸܣܠܵܝܗܝ ܙܲܒ̣ܢܵܐ ܒܘܼܫ ܪܵܒܵܐ؛ ܠܵܐ ܡܘܼܨܝܸܬܠܹܗ. 21ܐܝܼܢܵܐ ܫܒ̣ܝܼܩܵܝܠܹܗ ܒܫܲܝܢܵܐ ܟܲܕ ܐܵܡܸܪ؛ ܘܵܓ̰ܸܒ ܝܼܠܵܗ̇ ܐܸܠܝܼ ܕܥܹܐܕܵܐ ܕܒܹܐܬܵܝܵܐ ܝܠܹܗ ܗܲܪ ܓܵܘ ܐܘܿܪܸܫܠܸܡ ܥܵܒ̣ܕܸܢܹܗ؛ ܐܸܢ ܐܲܠܵܗܵܐ ܒܵܣܡܵܐ ܠܹܗ؛ ܒܸܬ ܕܵܝܪܸܢ ܡܸܢَܕܪܸܫَ ܠܟܸܣܠܵܘܟ̣ܘܿܢ؛ ܘܪَܚܸܫܠܹܗ ܒܝܵܡܵܐ ܡ̣ܢ ܐܵܦܸܣܘܿܣ. 22ܘܐَܬܹܐܠܹܗ ܠܩܹܣܵܪܝܵܐ ܘܐَܣܸܩܠܹܗ ܕܪܹܐܠܹܗ ܫܠܵܡܵܐ ܠܥܹܕܬܵܐ؛ ܘܨܠܹܠܹܗ ܠܐܵܢܛܝܘܿܟ̣ܝ. 23ܘܟܲܕ ܦܸܫܠܹܗ ܚܲܕَ ܙܲܒ̣ܢܵܐ (ܬܵܡܵܐ)؛ ܦܠܸܛܠܹܗ ܘܚܕܸܪܹܗ ܒܪܹܐܙܵܐ ܓܵܘܵܐ ܓܵܘ ܐܲܬܪܵܐ ܕܦܪܘܿܓ̣ܝܼܵܐ ܘܕܓܵܠܵܛܝܼܵܐ؛ ܟܲܕ ܡܲܩܘܹܐ ܠܟܠܵܝܗܝ ܬܲܠܡܝܼܕܹ̈ܐ. 24ܘܚܲܕَ ܐَܢܵܫܵܐ ܝܗَܘܼܕܵܝܵܐ ܕܫܸܡܹܗ ܐܵܦܲܠܘܼ؛ ܕܝܼܗَܘܵܐ ܐܘܼܓ̰ܵܓܹܗ ܡ̣ܢ ܐܵܠܹܟ̣ܣܲܢܕܪܝܼܵܐ؛ ܠܸܫܵܢܵܢܵܐ؛ ܘܚܲܝܠܵܢܵܐ ܒܟܬܵܒܹ̈ܐ؛ ܐَܬܹܐܠܹܗ ܠܐܵܦܸܣܘܿܣ. 25ܐܵܗܵܐ ܬܘܼܠܡܸܕܵܐ ܗَܘܵܐ ܠܐܘܼܪܚܹܗ ܕܡܵܪܝܵܐ؛ ܘܒܸܪܬܵܚܵܐ ܒܪܘܼܚܵܐ؛ ܗܲܡܙܸܡ ܗَܘܵܐ ܘܡܵܠܸܦ ܒܬܲܡܵܡܵܬܘܼܬܐ ܒܵܗَܣ ܕܝܼܫܘܿܥ؛ ܟܲܕ ܡܸܢܕܝܼ ܠܹܐ ܝܲܕܸܥ ܗَܘܵܐ ܡܵܓܲܪ ܡܲܥܡܘܿܕܝܼܬܹܗ ܕܝܘܿܚܲܢܵܢ. 26ܘܫܘܼܪܹܐܠܹܗ ܒܒܸܣܬܵܝܘܼܬܵܐ ܠܗܲܡܙܘܼܡܹܐ ܓܵܘ ܟܢܘܼܫܬܵܐ. ܘܟܲܕ ܫܡܸܥܠܗَܘܿܢ ܐܸܠܹܗ ܐܵܩܸܠܘܿܣ ܘܦܪܝܼܣܩܸܠܵܐ؛ ܡܘܼܬَܝܹܠܘܿܢ ܐܸܠܹܗ ܠܒܲܝܬܵܝܗܝ؛ ܘܒܘܼܫ ܬܲܡܵܡ ܡܘܼܕܸܥܠܘܿܢ ܐܸܠܹܗ ܐܘܼܪܚܹܗ ܕܐܲܠܵܗܵܐ. 27ܘܟܲܕ ܒܸܥܠܹܗ ܕܐܵܙܸܠ ܠܐܵܟ̣ܵܐܝܵܐ؛ ܐܵܚܘܿܢܘܵܬܹ̈ܐ ܚܘܼܒܸܛܠܘܿܢ ܐܸܠܹܗ؛ ܘܟܬܸܒ̣ܠܘܿܢ ܠܬܲܠܡܝܼܕܹ̈ܐ ܕܩܵܒ̇ܠܝܼ ܠܹܗ. ܘܟܲܕ ܐَܙܹܠܹܗ؛ ܗܘܼܝܸܪܹܗ ܪܵܒܵܐ ܠܐܵܢܝܼ ܕܗܘܼܡܸܢܹܐ ܗَܘܵܘ ܒܝܲܕ ܫܵܦܵܩܲܬ. 28ܣܵܒܵܒ ܕܒܙܲܪܒܵܢܘܼܬܵܐ ܐܵܣܸܪ ܗَܘܵܐ ܠܝܗَܘܼܕܵܝܹ̈ܐ ܩܵܕَܡ ܟܸܢܫܹ̈ܐ؛ ܟܲܕ ܡܲܚܙܹܐ ܗَܘܵܐ ܡ̣ܢ ܟܬܵܒܹ̈ܐ ܕܝܼܫܘܿܥ ܝܼܠܹܗ ܡܫܝܼܚܵܐ.